I wett i hätt de Schlössel
- Details
- Kategorie: Värsli / Gedichte
- Veröffentlicht am Freitag, 04. Januar 2013 09:48
- Geschrieben von Super User
- Zugriffe: 2461
I wett i hätt de Schlössel
zor Töre vo diim Huus
i wett i wäri einisch
bi der en chliini Muus
I wett i chönnti einisch
zo der in Wald hei choh
I wetti dromm gärn wösse
wie du so wohnsch ond wo
I wett dr gärn cho hälfe
i dr Chochi ond im Stall
I wett di gärn cho bsueche
es allereinzigs Mol
weisch velecht ned eleigge
ich nähmt de Vati met
denn chönnti ehm grad zeige
dass es diis Hüüsli gett.