Es tönt es Glöggli vor em Huus
- Details
- Kategorie: Värsli / Gedichte
- Veröffentlicht am Freitag, 04. Januar 2013 09:38
- Geschrieben von Super User
- Zugriffe: 2413
Es tönt es Glöggli vor em Huus
De Samichlaus goht i und us
Me ghört en uf und abe goh
Jetzt blibt er vor de Türe stoh.
Es goht nöd lang dänn Lüütets scho
Mir rüefet alli:Inecho!
Sin Sack tuet er in Egge stelle
Er het vel z frage und z verzelle
Gar mängs het er im Wald vernoh
Und veles isch em z Ohre cho
Drum chunt er sälber cho luege
Zu dene Meitli, dene Buebe
De Samichlaus git allne d Hand
sind lieb s Johr dor mitenand!
Und scho isch alli Angst verbii
De Samichlaus isch en liebe gsi!