De Samichlaus und s Eseli

• 

Details

Kategorie: Värsli / Gedichte

Veröffentlicht am Freitag, 04. Januar 2013 09:40

Geschrieben von Super User

Zugriffe: 2880

De Samichlaus und s Eseli
gönd dur de Winterwald.
Es isch scho spot, es dunklet gli,
und s Dörfli gseht me bald.
Uf allne Tannebäumli
lyt silberglänzigs Biecht.
E jedes hät sys Träumli,
vo Cherzeglanz und Liecht.
Es Zwärgli treit`s Laternli
dur‘s Wägli ab vora.
Am Himmel schyned Sternli,
de Kauz stimmt‘s Nachtlied a.
Zum Wald us über d Matte
springt`s Bächli schnell devo,
de Schnee lyt do wie Watte,
jetzt isch de Winter cho.
De Samichlaus und s’Eseli
sind scho bim erschte Huus.
Mir gsehnd de heiteri Lampeschy
Zum chlyne Fenschter us.